IKASTOLAK HERRIARI ekitaldia, azaroaren 13an, Kursaalean

Euskararen eta Euskal Kulturaren bost plaza handi dira ikastolen jaiak. Euskal musikari, kantari, dantzari eta ikuskizunetako hamaika artistaren adierazpenaren erakusleiho erraldoiak. Aurten ezin izan dira egin, baina ikastolek ez dute hutsik utzi nahi izan aurtengo urtea. Horregatik, plaza horietako lagin bat prestatu dute azaroaren 13ko ekitaldian erakusteko.

KALAPITA 21

Urteari amaiera emateko Kalapitaren 21. alea duzue irakurgai. Elkarrizketa egin diegu Eider eta Ilargi irakasleei, ikasleen parte-hartzeari buruzko artikulu interesgarri bat tartean, meme kuriosoak, eta ohiko Horoskopo, Kalapipasa eta Kalapikulinary atalak zuen gustuko izateko asmoz eta intentzioz. Mila esker hor egoteagatik, eta, jakin, zuen proposamen, laguntza, iradokizunak ongietorriak izango direla.

https://issuu.com/oteitzalp/docs/kalapita_21

KLIKA!

Oteitza lizeoko kideok ere egin dugu klika! Korrika 21arekin, Euskal Herri osoan barrena ibili den lekukoa eramanez 2007 kilometroan, itsasoaren babesean. Hemen Unai Alberdi ikasleak ateratako argazkiak

Hemen gaituzue berriro kalapita aldizkariaren 20. edizioarekin eskuartean

Hiruhilekoak joan, hiruhilekoak etorri, hemen gaituzue berriro kalapita aldizkariaren 20. edizioarekin eskuartean. Ale honetan bitxikeria anitz aurki dezakezu, hala nola, garai ezberdinetan irakastea suertatu zaien bi irakasleren pasarte eta iritziak, denbora­pasak, txisteak, horoskopoa eta errezetak. Hurrengo orrian hasi eta zuk nahi duzunean amaituko da korridorean zurekin gurutzatzen den ikasle talde batek hiruhileko honetan zehar ekoiztu duen aldizkaria.Gera zaitez! Mireia Aldaz

EGA: 2019ko 1. deialdirako matrikula epea zabalik.

Epea: urtarrilaren 7tik 21era ( eguerdiko 12:00ak arte).
Nola: internet bidez, honako webgunean: http://www.euskadi.eus/hezkuntza-euskara/
Orri horretan izango dituzu matrikulazio inprimakiaz gain, azterketari buruzko argibide guztiak, egutegia eta baita prestatzeko material osagarria ere. Matrikula betetzean arazorik izanez gero, euskara-irakasleari galdetu edo ZUZENEAN zerbitzura dei dezakezu (012).

EGA 2018ko 1. deialdirako matrikula epea zabalik.

Epea: urtarrilaren 8tik 22ra (12:00ak arte).
Nola: internet bidez, honako webgunean: www.hezkuntza.ejgv.euskadi.eus/euskara
Orri horretan izango dituzu matrikulazio inprimakiaz gain, azterketari buruzko argibide guztiak, egutegia eta baita prestatzeko material osagarria ere. Matrikula betetzean arazorik izanez gero, euskara-irakasleari galdetu edo ZUZENEAN zerbitzura dei dezakezu (012).

Beraz, badakizu: azterketa egitekotan bazara, matrikulatu lehenbailehen eta ekin lanari!!!

XXXV. SALBATORE MITXELENA LEHIAKETAN BOST SARIDUN

Joan den ostiralean, maiatzak 19, XXXV. Salbatore Mitxelena lehiaketako sariak banatu ziren Modelo zineman. Bertan Oteitzako bost ikasle igo ziren oholtzara. E mailako narratiba atalean Jon Izetak jaso zuen lehen saria, Unai Aizpuruak bigarrena eta Maialen Zabalak hirugarrena. Olerkien atalean, berriz, Sara Martinez izan zen irabazle, eta Beñat Arruti bigarren. Bada artistarik gure inguruan!  ZORIONAK GUZTIOI!

Orriak

RSS - Euskara-rako harpidetza egin